動手自己做 - 茄汁芝士腸焗扁意粉

其實我從來都唔識煮複雜既野。

公仔麵最多都係加d菜呀丸呀落去煮，再複雜少少多數會出事。

好似呢幾年煎餃子唔知點解都失敗，我研究左好耐都唔知點解，算啦。

今日要介紹點樣整呢個意粉。

其實可以用其他麵做麵底都得，用公仔面都唔錯。

意粉放水，加鹽煮到八成熟左右，撈起乾水。

芝士腸都落水灼一灼，半熟就ok。

係盤底塗上一層薄油，將意粉倒落去，用意粉茄醬撈勻，然後放上芝士腸，

再搽一層茄醬，放埋芝士就入得焗爐啦。

用250度焗八分鐘食得！