是日很好用 - Biore 淨嫩沐浴乳

其實第一次見到就已經想試，話哂$39.90買到1 Litre，

點計都抵用過Dove、Johnson果堆掛。

仲有呀我唔係BB架啦唔好成日買強生BB梘液啦。好悶架用左廿年。

琴日係千色買麗的化妝棉（呢樣都好用）埋單時見到有細枝裝，

仲要$9.90，即殺。咁都有300 ml。

富士蘋果味超堅。我一年食過不下五十個富士蘋果，一搽係身就覺得好親切喔。

清爽還可以，唔會太乾，仲要，好香噴噴呀！

網上有人話櫻花味係地雷，會用到敏感。聽到櫻花味都走夾唔頭啦，

少女都唔用櫻花味，我就更加無理由買。

我個人極度推介呢隻蘋果味，遲下就試埋另外隻薰衣草啦。